Hydref/Gaeaf 2024

Mimosa
Ysgol Berfformio Theatr Felinfach
30|10|2024 + 1|11|2024
2:00 yp | 6:30 yh

Ysgol Berfformio Theatr Felinfach yn cyflwyno'r sioe gerdd
Mimosa by Tim Baker and Dyfan Jones

Dyma stori ein cyndeidiau a ymfudodd i Dde America ar y Cliper te, Mimosa, o ddociau Lerpwl yn 1865 i le o'r enw Patagonia, i chwilio am fywyd gwell - ond beth ddigwyddodd? Beth oedd yn aros iddynt ar yr ochor arall?

Cyfle i glywed stori'r daith honno, bron i 160 o flynyddoedd yn ôl - yr holl emosiynau o'r dechrau i'r diwedd drwy stori a chân!

Prosiect mewn partneriaeth a Gwasanaeth Cerdd Ceredigion

Tocynnau

Pris - £12 | £10 | £6

Mynediad am Ddim
9|11|2024
7:30 yh

Mae Mynediad am Ddim yn cyrraedd yr hanner cant eleni!

Dewch draw am noson o ddathlu gyda grŵp gwerin hynaf Cymru!

'Hanner canrif Mynediad
O adael hwyl hyd y wlad.' 

Tocynnau

Cyngerdd Nadolig Ysgol Felinfach
20|11|2024
7:00 yh

Dewch i ddathlu Ysgol Gynradd Felinfach dros y blynyddoedd. Perfformiadau gan ddisgyblion presennol a chyn-ddisgyblion.

Noson llawn hwyl a chwerthin ac i ddathlu, diolch ac i gofio'r ysgol.

Tocynnau

Cyngerdd Dathlu a Noson Ffilm Ysgol Ciliau Parc
22|11|2024
5:00 | 7:15 yh

Cyfle i wylio clipiau ffilm o hen sioeau a phantomeimiau'r ysgol ar hyd y blynyddoedd a chyngerdd arbennig gan blant presennol yr ysgol.

Dewch i chwerthin a chofio amserodd da Ysgol Ciliau Parc

Tocynnau

Dawns y Ceirw
Theatr Genedlaethol Cymru
26|11|2024
10:30 yb | 1:30 yp

Mae’n Noswyl Nadolig ac mae pobl y pentref yn swatio’n gynnes yn eu cartrefi. Does neb yn sylwi ar y carw bach unig tu allan yn yr oerfel...

Wrth chwarae ar ben ei hun bach yn yr eira, mae Carw yn ysu am gynhesrwydd a charedigrwydd. Yn sydyn, mae golau bach disglair yn ymddangos! Er nad yw wedi mentro’n bell o’i bentref o’r blaen, mae Carw’n penderfynu dilyn y golau bach disglair ar antur hudolus trwy’r goedwig lle mae’n darganfod y cryfder a’r cariad sydd yn ei galon ei hun.

Wedi’i ysgrifennu a’i berfformio gan Casi Wyn (Bardd Plant Cymru 2022-23), bydd y sioe newydd swynol hon yn dod â hud, cerddoriaeth a dawns i gynulleidfaoedd ifanc ledled Cymru y gaeaf hwn.

Cyd-gynhyrchiad Theatr Genedlaethol Cymru a Chwmni Dawns Cenedlaethol Cymru.

Addas i blant 5+

Cysylltwch â'r Theatr ar gyfer archebion ysgolion/meithrinfeydd a grŵp os gwelwch yn dda.

Tocynnau

Melys + Osgled
Y Cŵps, Aberystwyth
30|11|2024

Tocynnau

Pris - £15 ar y drws | £12 o flaen llaw

Pantomeim Nadolig 2024
Cwmni Actorion Theatr Felinfach
7-14|12|2023

Mae cymdogaethau Dyffryn Aeron yn wynebu heriau fel bob ardal arall – ond mae presenoldeb tywyll Mr Ŵr a’i gynorthwywyr yn creu helynt bob blwyddyn wrth iddynt drio rhoi plet yng nghwt y gymdogaeth gyda’u cynlluniau ysgeler.

Ond maen’ nhw’n debygol o gwrdd â’u matsh leni, pant ddônt ar draws Cymraes unigryw:athrawes, bardd, golygydd, morwr medrus ac ymgyrchydd brwd, Cranogwen.

Dewch i fwynhau hwyl pantomeim unigryw Cwmni Actorion Felinfach.

Tocynnau

Yma yn Theatr Felinfach mae ein awditoriwm yn eistedd 242 wedi ei osod ar ffurf oledd.

Mae hyn yn cynnwys pedwar gofod hygyrch ar gyfer defnyddwyr cadeiriau olwyn.

Oriau'r Swyddfa Docynnau:
Llun i Gwener
9:30yb - 4:30yp
01570 470697

Mae gwasanaeth peiriant ateb ac e-bost ar gael tu allan i oriau agor.
Gallwch hefyd archebu tocynnau ar-lein 7 diwrnod yr wythnos.
theatrfelinfach@ceredigion.gov.uk

  • Ffôn: 01570 470697
  • Cyfeiriad: Theatr Felinfach, Dyffryn Aeron, Ceredigion, SA48 8AF

Hawlfraint 2022 Theatr Felinfach